Tubig

Posted by: linnor on: May 22, 2008

• In: Family | Litratong Pinoy | Musings | Sights
• 29 Comments

Sa init ng panahon ngayon, dala na rin siguro ng “global warming”, mapapaisip ka ng paraan para guminhawa ang pakiramdam. Pinakamadalas na gawi ang magpunta sa “beach” (O sige, puede na rin ang mag-“malling”, hehehe. Pero ibang usapan yon.).

Maliban sa “teambuilding” ng aming opisina sa Alegre Beach noong January, di pa ako nakakapag-beach ulit na kasama ang aking mga bugoy. Nakakahiya mang aminin, dala ito ng sobrang ka-“busy”-han ng mga “schedules” naming mag-asawa. Dagdag pa ang pagbyahe ng aming panganay sa Xiamen kasama ng kanyang mga kamag-aral sa “high school”. Anyway…

Sa aking paghahalukay ng aking “archive” para sa tema ng Litratong Pinoy ngayong Huwebes, nakita ko ang 2 larawan na ito na kuha pa noong isang taon. Huuu… Pag tinitingnan ko, parang gusto ko na talagang mapasyal sa tabing-dagat. Di bale… Pagbalik ng panganay, sisiguraduhin kong makakapag-beach kami ulit.

Harinawa at wag sana kaming tamarin. 😛

—

Ang panganay at ang kasunod… Wala si bunsoy sa litrato…